Agjencia Kosovare për Standardizim

Dita Botërore e Standardeve

Agjencia Kosovare e Standardizimit (ASK) në kuadër të Ministrisë së Industrisë, Ndërmarrësisë dhe Tregtisë ka shënuar Ditën Botërore të Standardeve me moton “Vizioni i përbashkët për një botë më të mirë”.

Dita Botërore e Standardeve mbahet çdo 14 tetor dhe ky manifestim shënohet edhe në Kosovë, dhe si e tillë bashkon një grup të ndryshëm që përbëhet nga standardizues me përvojë, si dhe të atyre që janë kureshtarë për të kuptuar se çfarë mund të bëjnë standardet për ta.

Vet tema e Ditës Botërore të Standardeve në këtë vit “Vizioni i përbashkët për një botë më të mirë” tregon se nuk është befasi se bashkëpunimi mbulon tema nga më të ndryshmet, nga besimi dixhital e deri tek tregtia globale.

Standardizimi na mban së bashku dhe të përkushtuar për të gjetur zgjidhje për shoqërinë, mjedisin, industrinë dhe teknologjinë tonë.

14 Oct 2022