Republika e Kosovës
Ministria e Tregtisë dhe Industrisë
Qendra e Informacionit   

DITA BOTËRORE E STANDARDEVE NË KOSOVË

DITA BOTËRORE E STANDARDEVE NË KOSOVË

Tash 10 vite edhe në Kosovë manifestohet ‘DITA BOTËRORE E STANDARDEVE’, nën organizimin e Agjencisë Kosovare për Standardizim (AKS).

 

Këtë vit, 14 tetori (si datë e themelimit të ISOs) rastisi të bije ditën e diele, kështu që Manifestimi i organizua më 16 tetor 2018, në hotel Emerald, i ndihmuar edhe nga Projekti i BE për Qarkullim të lirë të mallrave.

 

Pati mbi 100 pjesëmarrës, të cilët  përfaqësonin bizneset kosovare, Këshillin profesional të standardizimit, Komitetet Teknike dhe bashkëpunëtor e ekspert tjerë të standardizimit, të cilët janë pjesë e standardizimit kosovar, ngaqë standardizimi kërkon transparencë, gjithë përfshirje dhe konsensus.

 

Hapjen e Manifestimit e bëri Ministri i MTI-së Endrit Shala, fjalë mirëseardhjeje pati Libor Chlad nga Zyra e BE-së në Kosovë, dhe Hafiz Gara nga AKS.

Përveç prezantimeve me vlerë, Manifestimi pati edhe një pikë të rëndësishme të Agjendës: Shpalosjen e Logos së re të AKS, të cilës i parapriu nënshkrimi i Udhëzimit Administrativ përkatës nga Ministri i MTI-së.

Manifestimi që pati edhe karakter promovues të standardizimit kosovar, u përmbyll me fjalën e pjesëmarrësve, dhe me një koktej rasti.

18 Oct 2018